Pablo Nogueira
Esta fin de semana puidemos gozar dunha cita clave do cross nacional, o «Campionato de España de Campo a Través por Clubs». Ata o icónico enclave das ruínas romanas de Itálica, na localidade sevillana de Santiponce, desprazáronse un total de 10 atletas célticos que representaron o noso escudo nas carreiras Sub18 e Sub20.
Na primeira categoría, o equipo céltico, liderado por un sobresaliente Pedro Vázquez, que chegaría en primeira posición, e acompañado de Mateo Rodríguez (6º), Juan Núñez (59º), Sergio Souto (122º), Biruk González (211º) e Daniel Antonio Crespo (285º) conseguirían unha meritoria cuarta posición, a soamente un punto de diferenza do 3º clasificado, o Trops – Cueva de Nerja.
Mentres tanto, o equipo Sub20 conseguiría un 18º posto grazas ás actuacións dos seus integrantes; Hugo García, quen chegaría en 35ª posición, Hugo Suárez (49º), Damián Méndez (153º) e Nicolás Arias (161º).
Este campionato demostra o bo estado de forma do grupo de fondo do Celta atletismo.
Pola súa banda, na cidade do Lérez celebrouse o «Campionato Xunta de Galicia de Marcha en Pista ó Aire Libre». Seis atletas célticos da nosa canteira tomaron a saída, destacamos a actuación de Andrés González quen sería 6º na clasificación dos 5000m absolutos cun tempo de 26´09.68.
¡Parabéns atletas e adestradores!
