Esta última fin de semana tivo lugar en Sevilla o «XXXV Campionato de España sub23 ao Aire Libre» no que participaron con éxito catro d@s nos@s.
Sen dúbida o gran éxito da fin de semana veu da nosa atleta Sub23 máis completa, Eva Queimaño. Cunha combinada case perfecta, impúxose as súas rivais sumando un total de 4716 puntos, quedando así a tan só 45 puntos do récord do clube e facendo MMP (ademáis da súa MMP no salto de lonxitude, 5.63m). E o máis importante, con esta magnífica puntuación logrou proclamarse Campiona de España sub23 deixando a segunda clasificada a máis de 200 puntos. Con esta victoria, Eva ve premiada a súa traxectoria, definida polo seu propio adestrador David Gómez, de moito traballo e constancia. Parabens a Eva e o seu «Gurú».
Pola súa banda, Andrea Pais logrou un 8º posto nas clasificacións finais dos 100ml e nos 200ml tras clasificarse cuns tempos de 12.63s e 25.99s nas series semifinais. Pola parte d@s nos@s triplistas, Pablo Saá e Uxía Paz, ambos conseguiron a octava posición nos seus respectivos concursos. Pablo alcanzou unha marca de 14.11m, quedando só a 5cm da súa MMP o aire libre. Mentres que Uxía fixo 11.24m e completou a súa participación cun 7º posto no salto de lonxitude cun rexistro de 5.36m.
Tod@s el@s demostraron unha vez máis, o seu bo estado de forma a pesar das dificultades que, tanto eles como os seus adestradores David Gómez e Alberto Salgado, atoparon o longo desta larga tempada que xa dan por rematada.
Por outro lado, @s nos@s veteráns achegáronse ata Pontevedra para competir no «XXXIII Campionato Galego Máster ao Aire Libre». Seis foron os metais que trouxeron dende a Boa Vila.
José Fernández Nieves logrou a victoria nos 5000m marcha M35. Cristina Estévez levouse un doblete na categoría W40 quedando en 1ª posición nos 800m e no salto de altura. Nos lanzamentos, Manuel Rodríguez proclamouse campión galego M70 nas probas de disco, peso e lanzamento de martelo pesado. Por outra banda, José María Otero rematou as súas competicións en cuarta posición no lanzamento de disco e 5º no lanzamento de peso na categoría M45.
¡Noraboa céltic@s polo voso magnífico traballo!
