Pablo Nogueira. Fotografía: fotocarlosgrafias.
Ao longo desta fin de semana puidemos ver aos mellores atletas de España medirse no recinto feiral de Ourense. Nosa querida pista cuberta de Expourense acolleu o <<LVIII Campionato de España Absoluto en Pista Cuberta>>, onde o Celta contou con representación de 4 atletas. Nesta representación non estivo o mozo céltico Pedro Vázquez, que con mínima para participar no 3.000 m e o 1.500 m preferiu gardar forzas para o Campionato de España Sub18 desta próxima fin de semana.
A presenza céltica inauguraríaa o noso home Adolfo Sainz-Maza Villar, quen conseguiría unha marca de 5174 puntos no Heptatlón, posicionándolle como o 6º mellor atleta español de pista cuberta nesta tempada. (60 m-7.20, Lonxitude-6.89, Peso- 12.08, Altura-1.87, 60 mv-8.47, Pértega-4.55, 1.000-3:03.21).
No foso de Expourense tamén puidemos ver ao mozo Sergio Coello Berreco, quen no seu debut nos campionatos conseguiría unha meritoria praza de finalista grazas a un excelente concurso onde lograría distanciarse 6.92 metros da táboa de batida. Pola súa banda, Raquel Villa Carracelas faríase coa 10ª praza no lanzamento de peso feminino, grazas a un lanzamento de 12.16 metros.
Na recta central do recinto atlético, sería o noso incombustible Javier García Fernández quen achegaría o protagonismo céltico. Javier tras correr a eliminatoria e a semifinal, ambas en 6.84 segundos, impoñería un novo Récord de Galicia, conseguindo para o cronómetro na final en 6.76 segundos.
Co peche deste campionato ponse case o broche final a unha tempada de pista cuberta, con permiso das categorías inferiores, chea de éxitos, que fan soñar cunha tempada de aire libre cargada de emocións.
