· Pablo Nogueira. Fotos: A. Juncal.
A tempada chega á súa recta final, e proba diso son os numerosos campionatos que se están levando a cabo neste mes.
Esta fin de semana puidemos gozar do «Campionato de España Absoluto» (Getafe) onde a presenza céltica estivo protagonizada por Pedro Juncal Otero, Yago Araújo Rodríguez e Javier “Chichu” García Fernández.
Este último competiría na semifinal dos 100 metros lisos, onde lograría chegar 5º da súa serie e unha nova MMP ao parar o crono nos 10.50s, establecendo un novo Récord do Club, desbancando no máis alto da clasificación a Mario Parra Correyero, que cun rexistro de 10.65s, ostentaba o récord céltico dende 1997. O discípulo de Francisco Rodríguez, Pedro Juncal Otero dobraría participación, correndo os 200m en 22.01s, chegando 8º da súa semifinal, e os 400m onde lograría un tempo de 47.52s, situándolle como o sétimo mellor da súa semifinal. Na gaiola de lanzamentos, a representación céltica estaría a mans de Yago Araújo Rodríguez quen lograría lanzar o martelo ata os 61.28m, otorgándolle unha meritoria 8ª praza no concurso liderado polo atleta olímpico Cienfuegos.
Xa en Galicia, en concreto nas Pistas de Atletismo de Balaidos, os nosos atletas Sub14 puideron gozar do seu Campionato Galego. Máis dunha vintena de atletas puideron gozar e demostrar o traballo realizado nas Escola ao longo de todo o curso. Traballo que se traduciu en numerosas medallas, en concreto, 2 ouros (Francisco De Borja Do Alcázar Táboas e Marta Hermida Pita en martelo), 3 pratas (Martiño Salgado García en lonxitude e 220m valos, Francisco De Borja Do Alcázar Táboas no lanzamento de disco).
¡Parabén a tod@s!
