Pablo Nogueira. Fotografía: Miquel Merino (Atletisme Català).
A pasada fin de semana disputáronse todas as finais das diferentes categorías das ligas Iberdrola e Joma organizadas pola RFEA.
O sábado 11 foi a quenda das nosas mozas, as cales se desprazaron ata a localidade aragonesa de Monzón para loitar na final de permanencia por un posto que lles permitise volver a competir na primeira división o ano que vén.
Grazas a unha estupenda actuación por parte do equipo céltico, capitaneado por un primeiro posto de Uxía Paz, en triplo salto (12.55 m) e outro de Paula Pinón, ouro na xavelina cunha nova mmp de 47.71 m, e con axuda de actuacións destacadas como a de Maria Carballido (prata nos 800 m), Raquel Villa (prata no lanzamento de peso), Andrea Pais (bronce nos 100 m), Eva Piñel (bronce nos 3.000 m obst) e a de Carlota Salgado (bronce na altura) as nosas conseguiron un total de 85 puntos os que lle serviu para obter unha 6º posición, necesaria para salvar o descenso.
Pola súa banda, o equipo masculino, na outra cara da moeda, acudiu á localidade Valenciana da Nucía onde participou na final de ascenso á máxima división nacional, a división de Honra.
Ao contrario que ao equipo femenenino, a sorte non lles acompañou, e tras numerosas baixas reseñables de última hora, o combinado celeste conseguiría clasificarse como o 4º mellor equipo desta final a 8.
Os 88 puntos conseguidos polos nosos foron posibles grazas a actuacións como a do noso lanzador Yago Araújo, primeiro clasificado con 59.31 m no lanzamento de martelo, ou a prata de Pedro Juncal na volta á pista (400 m). Coa 2º posición tamén se faría o recente campión do mundo escolar, Pedro Vázquez, pero esta vez nos 1.500 m, á vez que o seu compañeiro de equipo, Sergio Coello quen se proclamaría como o 2º home que máis saltou no salto de lonxitude. Pola súa banda, o combinado céltico conformado por Ricardo Cortizo, Jorge Román, Iago Núñez e Pedro Juncal, cruzaría a meta en 3º posición no 4×400.
Sen dúbida este final de infarto non fai xustiza a unha tempada chea de sustos, contratempos e incidencias onde o traballo continua por parte de atletas e adestradores non puido cultivar todos os éxitos esperados, aínda que si que se ha a logrado a permanencia un ano máis na categoría, permitindo aos equipos célticos loitar un ano máis por ese desexado ascenso.
Ata o ano que ven 1º división, seguirémosche dando moita guerra.
