O Grupo Celta Atletismo, co patrocinio da Concellería de Deportes do Concello de Vigo, Secretaría Xeral para o Deporte da Xunta de Galicia, Deputación Provincial de Pontevedra, Abanca, Patrocinadores e a participación da Federación Galega de Atletismo e o Comité Galego de Xuíces, organizará no mes de decembro o “V TROFEO SOLIDARIO DE NADAL CELTA ATLETISMO”.
Ás portas do Nadal, tralo parón polas restricións de decembro do ano pasado, volveremos a vivir unha fermosa xornada na que nenos e nenas, mostrarán o seu lado máis solidario doando alimentos non perecedoiros as familias menos favorecidas da nosa cidade. A totalidade de alimentos recollidos, serán entregados a AFAN (Asociación Freijeiro – Ayuda al Necesitado. C/ Pastora, 44. Vigo).
¡Acende o teu lado máis solidario e participa! ¡Esperámoste!
