Pablo Nogueira. Fotografía: Miguélez team.
A tempada empeza a dar os primeiros avisos de que chega ao seu fin, e as fins de semana chéganse de campionatos.
Esta pasada fin de semana puidemos asistir a numerosos encontros tanto dentro, como fóra da nosa comunidade, nos que destacan o LXXI Campionato de España Sub18, LVII ( XLIII) Campionato de España Máster Aire Libre e o Campionato Xunta de Galicia Sub-23 Individual e Sub-23 e Absoluto de Combinadas.
No campionato celebrado en Jerez de la Frontera, a nosa xoven promesa das probas combinadas, Carlota Salgado, fixo gala do seu excelente estado de forma, conseguindo unha nova mellor marca persoal de 4779 puntos, marca que lle serviu colgarse a plata consagrándoa como a 2º mellor Heptatleta do campionato. A discípula de David Gómez protagonizou o seu mellor campionato ata a data onde non se decidiría nada ata a última proba. Tamén en Jerez puidemos ver participar no campionato a Lisa Vosberg quen quedaría ás portas do pódium cun mellor salto válido de 3.55, a escasos 5 cm do 2º e 3º posto.
De volta á nosa comunidade autónoma puidemos gozar do primeiro gran campionato galego da tempada, o campionato sub-23 que se celebraría en Pontevedra. Ata as beiras do Lérez desprazaríanse case unha vintena de célticos, nas que destacarían actuacións como a de Alberto Pérez, gañador dos 800 m, cun rexistro de2:01.22, e bronce nos 1.500 m ou a de Raul Cortizo, ouro no salto de lonxitude, acompañado do seu compañeiro de adestramento, Sergio Coello, prata na mesma proba. Nos 400 m femininos puidemos ver brillar a Lara López, quen cun rexistro de 59.74 impoñeríase na volta á pista, completaría o pódium desta proba Paula Del Alcázar, bronce con 1:05.17.
O noso atleta estranxeiro, Miguel Ángel Granado conseguiría un 2º posto tanto no lanzamento de peso como no lanzamento de disco. Máis sorte tería o seu compañeiro diario de faenas, Yago Araujo quen se impoñería comodamente no lanzamento de martelo cun rexistro de 60.11 m, seguido en segunda posición, de novo, de Miguel Ángel, quen lanzaría 26.33m. Pola súa banda puidemos ver un dobrete de Oliver Daniel Comesaña, bronce nos 100 m e 400 m lisos. Completaría a participación céltica a saltadora Uxía Paz quen se faría coa 2º posición no triplo salto grazas ao seu 11.58m.
Pero sen dúbida a fin de semana non estaría completa sen a participación dos nosos atletas máis experimentados no seu campionato de España. Ata Arona acudiron os nosos atletas master para participar no LVII ( XLIII) Campionato de España Master Aire Libre, onde puidemos gozar dun radiante Miguel Gómez, novo bicampión de España M40 de 100 m e 200 m lisos, e dunha espectacular Cristina Estévez, ouro no 400 m valos F45 e prata no salto de lonxitude F45. Pola súa banda o noso querido capitán Fernando Paredes, incombustible como sempre se faría co 2º posto no lanzamento de peso M45 grazas aos seus 12.67 metros. Pecharía a participación celeste Emma Valencia, campioa de España dos 80 metros valas F40.
Parabén polos éxitos cultivados!
