Xa está aquí o Campus de Verán RC Celta Atletismo!
Este verán regresa unha das actividades máis agardadas polos máis novos. O Campus de Verán RC Celta Atletismo está pensado para que nenos e nenas gocen dunhas vacacións activas, combinando atletismo, natureza, aventura e diversión nun entorno seguro e supervisado por profesionais.
Durante dúas semanas, os participantes poderán descubrir diferentes disciplinas deportivas, mellorar as súas habilidades motrices, facer novos amigos e vivir experiencias inesquecibles mentres desfrutan do deporte ao aire libre.
Información xeral
Idades
Dirixido a nenos e nenas de entre 6 e 13 anos.
Horario
- Actividade principal: de 09:45 h a 14:15 h.
- Servizo Plan Madruga: de 08:00 h a 09:15 h.
O Plan Madruga desenvolverase na oficina do club, situada na Praza da Miñoca nº 33, desde onde a organización trasladará aos participantes ata o lugar de inicio das actividades.
Prazas limitadas: máximo 12 participantes por semana.
Merenda
Cada día, a media mañá, os participantes recibirán unha peza de froita e unha botella de auga.
Datas
Semana 1: Do 22 ao 26 de xuño
Semana 2: Do 29 de xuño ao 3 de xullo
Actividades
O programa inclúe unha ampla variedade de actividades deportivas e de lecer, entre as que destacan:
- Atletismo na Pista Municipal de Balaídos.
- Exhibicións e actividades atléticas.
- Escalada en Mapache Climbing.
- Kaiak con Construaventura Club na Praia da Fontoura (Bouzas).
- Sendeirismo polos montes de Vigo.
A programación detallada de cada xornada será enviada ás familias durante a semana previa ao inicio do campus.
TARIFAS
MÁIS INFORMACIÓN
Para calquera dúbida relacionada co proceso de inscrición ou co funcionamento do campus, podedes contactar con:
Sara
📞 698 962 481
Agardámosvos para compartir un verán cheo de deporte, diversión e novas experiencias!
