Como xa anunciaramos, este pasado fin de semana foi moi movido. E como non podía ser doutra forma, trouxemos o bus cheo de boas novas dende o Palacio dos Deportes de Riazor.
O sábado á tarde subimos cargados de enerxía os equipos masculino e feminino dirección A Coruña, para disputar un ano máis a Copa de Clubes de Pista Cuberta. Aínda que, ás veces pareza que o noso deporte é individualista, neste tipo de campionatos vemos como a boa sintonía, o compañeirismo e os obxectivos comúns fan do Celta o que por riba de todo queremos ser, un gran Club, unha familia unida. Gracias a esto, podemos presumir de ser Campionas e Subcampións de Copa, coa gran parte dos nosos atletas pelexando sempre polos postos de honra (ninguén baixou do cuarto posta en tódalas probas) e loitando por cada punto; porque as victorias compartidas sempre se disfrutan máis ¿non si?. A nivel individual podemos destacar as victorias de Andrea Pais no 200m, Eva Queimaño na altura, Beatriz Viteri en pértiga, Olaia Becerril na lonxitude, e os sempre combativos Gonzalo Basconcelo no 3000m e Pedro Juncal no 400m por parte do equipo masculino.
