Pablo Nogueira. Foto: Juan Ramilo.
A pasada fin de semana puidemos gozar na pista de ExpOurense do «VII Campionato Xunta de Galicia de Clubs Probas Combinadas de Inverno», onde onde o azul celeste viuse representado pola presenza de Adolfo Sáinz-Maza, Carlota Salgado e Valeria González. O primeiro, grazas a unha estupenda actuación (4.976 puntos) conseguiría a prata absoluta, do mesmo xeito que a súa compañeira de equipo, Valeria González, que con 2.813 puntos faría o propio no Pentatlón feminino Sub16. Carlota Salgado poñería o broche final ao campionato, mellorando a súa mellor marca persoal ata os 3.371 puntos, conseguindo a marca mínima esixida para participar no Campionato de España na categoría Sub18 e o ouro do campionato.
Tamén en ExpOurense pero en xornada dominical, celebrouse o «Trofeo de Inverno de Categorías Menores ABANCA», onde participaron dous equipos da nosa Escola. O equipo Sub14 homes rematou no oitavo lugar e o Sub12 feminino foi sexto.
Ademáis, esta fin de semana tivo lugar o «V Trofeo Solidario de Nadal Celta Atletismo» volveu brillar logo dun ano na caseta motivado pola situación socio-sanitaria. Puidemos gozar nas Pistas de Atletismo de Balaidos, da cara máis amable do atletismo, máis de 300 atletas de categorías menores reuníronse para poder competir e gozar do noso deporte á vez que contribuían cunha boa causa. No transcurso da xornada recadáronse máis de 200kg de alimentos non perecedoiros que se destinaron a AFAN (Asociación Freijeiro – Ayuda al Necesitado). O día discurreu sen ningún tipo de problema, o que logrou crear un ambiente máxico onde os máis cativos foron os protagonistas e puideron gozar dunha xornada festiva previa o Nadal.
Parabén aos atletas e adestradores polo traballo continuo e os bos resultados.
