Como xa anunciaramos, esta fin de semana tivo lugar o Campionato de España de Pista Cuberta Absoluto na salmantina pista Carlos Gil Pérez, un campionato cun altísimo nivel ao que non faltou o celeste.
Dous foron os elixidos da nosa escuadra, para competir cos mellores atletas nacionais. A primeira en tomar partido foi a nosa pertiguista Beatriz Viteri, que nun concurso cun altísimo nivel, só puido coa primeira altura, sobrepasando o listón en 3.61m e fallando os tres intentos sobre 3.76m.
O segundo atleta céltico en liza foi Gonzalo Basconcelo no 1.500m, que tras uns pequenos problemas que lle impediron chegar nun estado óptimo de forma, curtiuse na primeira das semifinais quedando fóra da final, pero dando claras mostras de que xa está totalmente recuperado.
Ámbolos dous suaron a camisola coma sempre, e sabemos que quedaron con ganas de seguir medrando como atletas para pelexar en campionatos deste nivel.
¡Estamos moi orgullosos de vós!
