Actualidade

Comunicado do clube: O peche de Balaídos

Ante o profundo malestar ocasionado polo peche das pistas municipais de Balaídos por obras, dende o Celta Atletismo queremos aclarar a nosa postura e a cronoloxía dos feitos que nos levou ata ela.

Como ben sabedes, as obras realizadas o pasado mes de novembro provocaron que as pistas perderan a súa homologación para probas federadas no anel de velocidade. Estes feitos obrigaron a suspender as primeiras xornadas das Series Municipais e o noso Trofeo Solidario de Nadal, o que xa lamentamos no seu momento.

Dende entón, o Celta Atletismo demandou en reiteradas ocasións ó Concello o inicio das novas obras que subsanaran os erros das anteriores. Durante os meses de decembro e xaneiro, a resposta dende a Concellería de Deportes era que «en canto o tempo tempo mellore». Paralelamente, o clube buscaba tender pontes entre o Concello e a Federación Galega grazas ó peso que ten na Xunta Directiva da mesma; buscando unha saída para o malestar que experimentou nos últimos anos o atletismo vigués.

Comezado o mes de febreiro foron citados en Vigo nunha comisión Miguel Martínez como Delegado federativo; Jesús Vázquez Tallón como vicepresidente de Relacións Institucionais a FGA e Jose Ángel Serantes como presidente do Celta Atletismo e membro da Xunta Directiva. Na mesma, acordouse nomear como interlocutor co Concello a Vázquez Tallón; valorar de xeito positivo a reparación nas pistas e comezar a elaboración dun informe que recollera todas as demandas do atletismo vigués. Este informe sería enviado ó Concello de Vigo é a Secretaría Xeral para o Deporte, xa que o novo Secretario Jose Ramón Lete Lasa mostrou a súa vontade de colaboración na refoma de Balaídos.

O mesmo día da reunión, o Concello de Vigo anunciaba que durante as obras as instalacións municipais permanecerían pechadas durante -e se a meteoroloxía axudaba- uns 15 días. Esta decisión provocou distintas reaccións dentro dos nosos atletas e adestradores, inmersos de pleno na tempada de inverno. Na mesma reunión preguntouse pola posibilidade de deixar dispoñibles algunhas partes da pista como o ximnasio, vestiarios ou o sector de lanzamentos; xa que non iban a verse afectados polas obras. Sen embargo, este tipo de obras obriga a pechar toda a instalación por seguridade; como xa ocorreu o ano pasado na reforma de Elviña (A Coruña).

Por último, o noso clube solicitou por carta ó Concello de Vigo o aplazamento do inicio das obras ata comezos de marzo, cando poida darse por finalizada a tempada invernal e non afecte á preparación dos nacionais. Dende a Concellería de Deportes o comportamente foi exquisito e foron receptivos coa nosa petición; pero neste caso a empresa responsable das obras non podía realizalas máis adiante.

Plenamente conscientes das molestias que ocasiona, dende o Celta Atletismo aceptamos esta situación como mal menor. Cun período de 15 días de obras se as condicións climatolóxicas son favorables e a espera posterior para a súa homologación; un maior retraso no comezo das obras podería afectar xa de pleno a tempada de Aire Libre; incluídas as xornadas de Liga de Clubes, o Trofeo Alfonso Posada e todos os Campionatos Galegos e nacionais.

Os distintos adestradores tomarán durante estas semanas as decisións que consideren oportunas para poder seguir adestrando dentro das súas posibilidades; afectando o menos posible á planificación deportiva. Á súa vez, dende o clube solicitamos á Universidade de Vigo e ó Concello de Cangas o uso das súas pistas; as cales foron cedidas de xeito xeneroso na medida das súas posibilidades.

Ós adestradores e atletas agradecemos o seu sacrificio e comprensión ante estas condicións extraordinarias; así como solicitamos a súa colaboración no futuro para poder acadar entre todos a tan esperada reforma de Balaídos. Chegou o momento para que o atletismo vigués esté unido polo ben común.

Vigo, 7 de febreiro de 2018
Xunta Directiva do Celta Atletismo

Anterior post

Cara e cruz na Copa de Clubes de Ourense

Siguiente post

Inverno 2019: Os nosos ilusionan nos Campionatos de España

Sin comentarios.

Deja un comentario

Tu dirección de correo electrónico no será publicada. Los campos obligatorios están marcados con *