ActualidadNoticias

Éxito no Trofeo Solidario e dúas novas mínimas nos controis polo Nadal

Nas vésperas de Noiteboa e Nadal os nosos atletas volveron ás pistas buscando bos rexistros cos que celebrar as festas, aínda que non sexa a última proba do ano. Nembargantes, o gran protagonista do fin de semana foi o Trofeo Solidario de Nadal que o Celta Atletismo celebrou o sábado en Vigo.

  • Os preto de 600 cativos inscritos no III Trofeo Solidario de Nadal en Balaídos viviron unha xornada de festa total na que, grazas á colaboración dos nosos patrocinadores, todos levaron algún tipo de premio. Nesta competición destacou por enriba de marcas e clasificacións, o carácter solidario da mesma: media tonelada de alimentos e 400 xoguetes recollidos para as familias máis desfavorecidas da cidade, ás que lle farán a entrega Cruz Vermella, Asociación Benéfica La Sal de la Tierra e a Asociación Stop. Novamente, grazas a todos vós pola colaboración nun Trofeo tan especial.

    Nunha festa así para os máis cativos non podía faltar o Dinoseto como testigo. ¡Menuda mañán!

  • O venres 22 desprazáronse ata Compostela varios atletas para o II Trofeo de Atletismo en Pista da USC, destacando especialmente Laura Santos coa mínima para o Campionato de España sub23 indoor de Salamanca nos 3000m. A súa marca de 10:23:33 serviulle para impoñerse na proba, ao igual que ao mediofondista local Luis del Río nos 400 con 51’15s.

    A representación céltica en Compostela foi unha das máis numerosas este fin de semana

  • Ao día seguinte en Lugo disputouse o III Trofeo de Nadal Verxel, onde Olaia Becerril logrou a mínima para o seu Campionato de España sub18 de Antequera con 8.00s nos 60m na final. Na actuación céltica destacaron tamén nos 60mv Emma Valencia (9.23s) e Alicia Merino (9’29s), así como o outro combinero en liza Adolfo Sainz-Maza con 1’92 na altura.
  • O noso outro saltador de altura e flamante fichaxe David Martínez volvía a saltar en Zaragoza superando esta vez si o 1’91 co que mellora xa a marca do ano pasado.

A David está a traerlle sorte a celeste neste comezo de tempada, ¡e que siga así!

  • Tamén o sábado 23 en Vila Nova da Cerveira os nosos lanzadores volvían a competir en terras portuguesas. Nico García (54’16m no disco 1’5kg) e David García (51’92m no martelo 4kg) melloraban incluso os seus rexistros de hai dúas semanas, mentres que Irene Gómez (55’65m) e Patri Correa (46’11m) mantiñan os seus bos rexistros co martelo de 3kg. Gran comezo de tempada para os nosos lanzadores máis novos que de seguro conseguirán mellorar nos vindeiros meses.
  • No presitixioso 56º Gran Premio Pedestre do Nadal – Carreira do Pavo celebrado o domingo Gonzalo Basconcelo impoñíase nas rúas de Vigo nunha proba na que Fran Rodríguez foi 5º na categoría masculina e Alice Finot 3ª na femenina.

    Podium conxunto da Carreira do Pavo, con Gonzalo e Alice como habituais representantes xa do Celta Atletismo

  • En calidade de asociada competiu de novo en Expourense  Cristina Estévez na I Copa de Galicia de Clubs Máster en Pista Cuberta, onde defendendo as cores do Samertolomeu de Moaña. Grazas a súa actuación nos 400m e na lonxitude, o equipo laranxa alzouse co triunfo nesta Copa.

    Cristina Estévez levantou o trofeo como campionas galegas. Parabéns a toda a familia do Same!

Comeza así o período de competicións no Nadal no que os nosos atletas buscarán chegar no mellor estado de forma posible ó Galego Absoluto indoor e a Copa de Clubes a celebrar en Ourense. Lembrarvos que unha das próximas oportunidades será o día 30 nesa mesma pista nun control organizado polo Celta Atletismo conxuntamente con outros clubes galegos, rematando o prazo de inscrición hoxe ás 23:59.

¡Boas festas e mellores marcas!

Anterior post

7 mínimas para estrear a pista cuberta en Ourense

Siguiente post

Suspensión do Control de Expourense do día 30. Comunicado dos clubes organizadores.